Analisti dhe gazetari Mustafa Nano e pyeti drejtpërdrejt kryeministrin Edi Rama, këtë të enjte në emisionin Opinion:
Mustafa Nano: Iu ka shkuar ndonjëherë në mendje që po të mos jeni ju kryeministër, vendit i bëhet mirë?
Edi Rama: Më ka shkuar mua në mendje që po të mos jem unë kryeministër vendit i bëhet më mirë? Sikur të më shkojë në mendje kjo unë menjëherë largohem, po nuk më ka shkuar në mendje që të jem i sinqertë me ju.
Gjatë emisionin Rama paralajmëroi edhe prokurorët dhe gjyqtarët që sipas tij janë KÇK.
“Është organizata më e strukturuar kriminale në Shqipëri. Gjykatës dhe prokurorë që e dinë që nuk e kalojnë vettingun dhe janë turrur ndaj njerëzve. Do bëjmë një ndërhyrje në ligj, për të garantuar që ata prokurorë e gjyqtarë që bëjnë akte në kundërshtim me ligjin të referohen në një nga këshillat, të referohet pezullimi i tyre dhe pas fillimi i hetimeve”, tha Rama./ Opinion.al
