Presidenti rus Vladimir Putin dhe presidenti i Bjellorusisë, Aleksandër Lukashenko, kanë zhvilluar një takim në Moskë.
Putin e Lukashenko, sipas raportimeve, do të flasin për luftën në Ukrainë si dhe sanksionet e vendosura ndaj Rusisë nga vendet perëndimore. Lukashenko është një nga pak aleatët e mbetur të Putinit.
Sipas Sky news Putin është shprehur se në të kaluarën, sanksionet vetëm e kanë bërë Rusinë më të fortë.
Veçanërisht, lideri rus shtoi se ka pasur “ndryshime pozitive” në bisedimet me Ukrainën dhe se negociatat po vazhdojnë në baza ditore.
Ai u zotua t’i shpjegojë të gjitha z. Lukashenko, përpara se të nisnin takimin e tyre privat.
