Presidenti rus Vladimir Putin ka reaguar lidhur me anëtarësimin e shpejtë të Finlandës dhe Suedisë në NATO.
Ai ka thënë se Rusia nuk shqetësohet nëse dy shtetet nordike i bashkohen NATO-s, por paralajmëron se do t’i përgjigjen çdo “kërcënimi”.
“Nuk ka asgjë që mund të na shqetësojë për anëtarësimin e Suedisë dhe Finlandës në NATO. Nëse duan të bashkohen, ju lutemi. Vetëm ne duhet të kuptojmë qartë dhe saktë – ndërsa nuk ka pasur asnjë kërcënim më parë, në rastin e kontingjenteve ushtarake dhe infrastrukturës ushtarake që do të vendosen atje, ne do të duhet të përgjigjemi në mënyrë simetrike dhe të ngremë të njëjtat kërcënime në ato territore nga ku kanë lindur kërcënimet për ne”,-tha Putin në një konferencë shtypi pas Samitit të Kaspikut në Turkmenistan të mërkurën.
Putin shtoi se zgjerimi i NATO-s do të sillte “tensione”.
“Gjithçka ishte mirë me ne, por tani do të ketë disa tensione – kjo është e qartë; është e pamundur të jesh pa të” ,-tha ai./Opinion.al
