Bota

Putin: Rajonet e aneksuara të Ukrainës do të jenë njësh me Rusinë



Bëhu pjesë e Grupit Zyrtar të Opinion.al
>> KËTU <<
               Publikuar në : 16:16 - 15/12/22 |
Opi Nion

Presidenti rus, Vladimir Putin, ka deklaruar se Moska do t’i arrijë qëllimet e saj në rajonet e reja ruse të Luhansk, Donetsk, Zaporizhzhia dhe Kherson, të cilat do të “bëhen njësh” me Rusinë. Lajmi është bërë i ditur nga agjencia Ria Novosti që citon deklaratën e Putinë në një takim të Këshillit për Zhvillimin Strategjik dhe Projektet Kombëtare.

“Unë synoj të garantoj sigurinë, të rivendos jetën paqësore në Republikat e Luhansk, Donetsk, Zaporizhzhia dhe Kherson. Ne patjetër do ta arrijmë qëllimin tonë. Në të ardhmen mbi të gjitha çështjet kyçe për njerëzit në ekonomi, në sferën sociale dhe në fushën e qeverisjes, këto rajone do të bëhen një me vendin”, u shpreh Putin.

Presidenti rus i kërkoi Kabinetit të Ministrave që të përgatisë një program të veçantë për zhvillimin socio-ekonomik të subjekteve të reja të federatës, deri në fund të tremujorit të parë të vitit të ardhshëm.

Ai shtoi se deri në vitin 2030, rajonet e aneksuara nga Ukraina “duhet të arrijnë nivelin rus për sa i përket cilësisë së infrastrukturës, shërbimeve sociale dhe shumë parametrave të tjerë të cilësisë së jetës. Përgjegjësinë për këtë punë do ta marrin personalisht ministrat dhe zëvendëskryeministrat përkatës”.

Ndërkohë presidenti ukrainas, Volodymyr Zelensky, në një deklaratë për Këshillin Europian tha se 6 muajt e ardhshëm do të jenë vendimtarë në shumë aspekte në konfrontimin që Rusia ka nisur me këtë agresion.

“Agresion kundër Ukrainës dhe ndaj secilit prej jush, sepse qëllimi përfundimtar i Rusisë është shumë përtej kufirit tonë dhe sovranitetit ukrainas. Gjashtë muajt e ardhshëm do të kërkojnë edhe përpjekje më të mëdha nga ne se në të kaluarën”, theksoi ai.

Pas