Presidenti rus Vladimir Putin konfirmoi se vendi i tij kishte marrë planin amerikan me 28 pika për paqen në Ukrainë, duke thënë se ai mund të shërbejë si bazë për një zgjidhje përfundimtare paqësore.
Megjithatë, ai tha se teksti ende nuk ishte diskutuar në detaje me palën ruse. Ai vuri në dukje se SHBA-të deri më tani nuk kishin arritur të siguronin pëlqimin e Ukrainës për planin e paqes.
Presidenti rus, në deklaratat e tij të premten, tha gjithashtu se plani i paqes i Trump për Ukrainën u diskutua para takimit në Alaska më 15 gusht. Është një plan i “modernizuar” pas bisedimeve në Alaska, sqaroi ai.
Përveç kësaj, presidenti rus tha se SHBA-të i kishin kërkuar palës ruse të tregonte fleksibilitet në zgjidhjen e çështjes së Ukrainës.
Së fundmi, ai theksoi se të gjithë partnerët e Rusisë shprehën mbështetjen e tyre për marrëveshje të mundshme para samitit në Alaska.
