Presidenti rus Vladimir Putin ka thënë se “operacioni i tij special ushtarak”, i njohur ndryshe si pushtimi i Rusisë në Ukrainë, “po shkon sipas planit”, shkruan BBC.
Pretendimi i tij vjen pavarësisht nga shumë analistë që sugjerojnë se pushtimi nuk ka shkuar sipas planit.
Në një fjalim televiziv, ai akuzoi forcat ukrainase për marrjen peng të “mijëra qytetarëve të huaj” dhe përdorimin e civilëve si “mburoja” – ai nuk dha asnjë provë për këto pretendime.
Ai shtoi se rusët dhe ukrainasit ishin “një popull” dhe tha se do ta “shkatërronte këtë “anti-Rusi” të krijuar nga Perëndimi”.
