Si një agjent i shërbimeve sekrete, duket se Valdimir Putin nuk e ka harruar zakonin e vjetër. Ai i dhuroi presidentit Trump një top “Adidas” gjatë konferencës në Helsniki dhe sipas CNN, topi mund të ketë patur brenda një transmetues çip.
Imazhet e topit që Putin i dhuroi Trumpi tregojnë edhe një logo që informon se ai ka një çip si pjesë standarde të prodhimit.
Në websiten e Adidas-it shpjegohet se kjo teknologji u jep përdoruesve akses për informacione të ndryshme duke përfshirë edhe informacionet lidhur me produktin, ndeshjet futbollistike të Adidas dhe kompeticione speciale.
Ndërkohë Shërbimet Sekrete Amerikane janë shprehur lidhur me çështjen: “Të gjitha dhuratat që i bëhen presidentit kalohen në skaner sigurie. Shërbimet Sekrete nuk komentojnë specifikisht apo përgjithësisht lidhur me mënyrat dhe mjetet tona përgjegjëse për mbrojtjen”, bën me dije CNN.
Megjithatë edhe Shtëpia e Bardhë nuk bëri një kërkesë të menjëhershme për informacion mbi topin. Është ende e paqartë nëse topi që Putin i dhuroo Trump e prëmbante pajisjen që parashikon firma prodhuese, por edhe nëse e mban kjo nuk do të thotë dse përbën rrezik sigurie.
Vetë Adidas refuzoi të shpjegojë nëse çipi mund të manipulohet nga hackers. Në faqen zyrtare të kompanisë thuhet se është e pamundur të fshish apo shkruash përtej parametrave të vendosur nga vetë ata”.
Në vijim të konferencës, Drejtori i Inteligjencës Kombëtare Dan Coats, tha se: “përpjekjet e Moskës për të dëmtuar demokracinë tonë janë të vazhdueshme”. / Opinion.al
