Presidenti rus, Vladimir Putin, ka nënshkruar një dekret që thjeshton procedurën për marrjen e nënshtetësisë ruse për jetimët ose fëmijët ukrainas të mbetur pa kujdes prindëror, veçanërisht në territoret e pushtuara nga Rusia.
Lajmi është raportuar nga “Ukrainska Pravda”, e cila citon një dokument të publikuar nga agjencia ruse e lajmeve “Ria Novosti” e lidhur me Kremlinin.
Në dekret thuhet se jetimët dhe fëmijët që kanë mbetur pa kujdes prindëror, si dhe personat pa aftësi juridike, të cilët janë shtetas ukrainas, mund të marrin nënshtetësinë ruse përmes një procedure të thjeshtuar. Kujdestarët ose organizatat do të mund të kërkojnë nënshtetësinë ruse për fëmijët që banojnë në rajonet e pushtuara të Donetsk, Luhansk, Zaporizhzhia dhe Kherson.
Kujtojmë se Kievi ka akuzuar Moskën se po i merr peng qytetarët e atyre zonave, ndërsa nga ana tjetër Kremlini rrëzon akuzat dhe ka deklaruar se i ka strehuar dhe po u plotëson nevojat./Opinion.al
