Putin ka akuzuar Perëndimin për përpjekje për të vrarë gazetarët rusë, por pa dhënë asnjë provë për këtë pretendim, raporton Sky news.
Ai pretendoi se një përpjekje e tillë ndaj një reporteri televiziv ishte penguar nga Shërbimi Federal i Sigurisë së Rusisë (FSB).
“Këtë mëngjes, Shërbimi Federal i Sigurisë ndaloi aktivitetet e një grupi terrorist që planifikoi të sulmonte dhe të vriste një gazetar të famshëm televiziv rus”, tha Putin.
“Ata kanë kaluar në terror në përgatitjen e vrasjes së gazetarëve tanë.”
Më vonë, Rusia pretendoi se kishte arrestuar anëtarë të një grupi nacionalist që tentoi të vriste gazetarin pro-Putin, Vladimir Solovyev.
Sipas agjencisë së lajmeve Interfax, Moska thotë se të arrestuarit vepronin në emër të shërbimit special ukrainas.
