Presidenti rus Vladimir Putin mori dozën e tretë të vaksinës Covid-19, Sputnik V. Lajmin e kanë raportuar mediat ruse. Putin, gjatë një takimi me zv/drejtorin e Qendrës Kombëtare të Kërkimeve Epidemiologjike dhe Mikrobiologjike N.F. Gamaleja, Denis Logunov, tha se mori Dozën e tretë të Sputnik dhe ndihej mirë.
“Injeksioni ishte pa dhimbje”, e siguroi ai Logunov. Konfirmimi u dha më pas nga presidenti i Federatës në një video televizive të transmetuar në transmetuesin shtetëror rus Rossia 24.
Pas dy dozave të para të Sputnik V të marra në mars dhe prill, Putin mori një dozë të Sputnik Light, një vaksinë me një dozë të vetme.
Presidenti rus ka dalë vullnetar edhe për të testuar një vaksinë në formë spry nazal e cila është në zhvillim në Qendrën e Epidemiologjisë dhe Mikrobiologjisë Gamaleya. “A mund të marr pjesë në këtë eksperiment?” pyeti ai zëvendësdrejtorin e qendrës Logunov. Specialisti u përgjigj se do të ishte e nevojshme të nënshkruhet një miratim. “Mirë, do ta nënshkruaj patjetër. Mund ta bësh menjëherë”, është përgjigja e Putinit./Opinion.al
