Sipas exit poll-it të televizionit shtetëror First Channel, presidenti rus Vladimir Putin u rizgjodh me 87.8% të votave, me një pjesëmarrje që i kaloi 73%. Pritet të zyrtarizohet pjesëmarrja e përgjithshme, ku përfshihet edhe votimi online.
Putin mori 88% të votave në zgjedhjet presidenciale në Rusi, kur 25% e vendeve tashmë ishin numëruar. Kështu ka bërë të ditur komisioni zgjedhor, sipas asaj që raporton Tass.
Ndërkohë në rrjetet sociale ka reaguar edhe presidenti i Urkainës Zelensky, që shprehet se Vladimir Putin është një njeri “i sëmurë nga pushteti” që dëshiron të “mbretërojë përgjithmonë”. “Është e qartë për të gjithë se ky personazh, siç ka ndodhur shumë herë në histori, është thjesht i dehur nga pushteti dhe po bën gjithçka që mundet për të mbretëruar përjetësisht dhe nuk ka asnjë të keqe që ai nuk do të bëjë për të zgjatur fuqinë e tij personale. tha presidenti ukrainas, duke e quajtur votën ruse “pa asnjë legjitimitet”./Opinion.al
