Presidenti rus i ka thënë homologut të tij francez se vendet e BE-së injorojnë krimet e luftës të kryera nga forcat ukrainase.
Në një bisedë telefonike, Putin i tha homologut të tij francez Emmanuel Macron se pavarësisht papërgatitjes së Kievit për punë serioze, Rusia mbetet e hapur për një dialog, ka raportuar shërbimi për shtyp i Kremlinit.
“Presidenti rus shpjegoi qasjen themelore ndaj negociatave me përfaqësuesit ukrainas. Në veçanti, ai theksoi se pavarësisht mospërputhjes dhe papërgatitjes së Kievit për punë serioze, Rusia mbeti e hapur për një dialog,”-tha Kremlini.
Putin i tha Marcon se vendet e BE-së i shpërfillin krimet e luftës të kryera nga forcat ukrainase.
“U theksua se vendet anëtare të BE-së i shpërfillin krimet e luftës të kryera nga forcat ukrainase dhe bombardimet masive të fshatrave dhe qyteteve të Donbasit, të cilat vrasin civilë paqësorë”- tha në një deklaratë shërbimi i shtypit presidencial rus.
Putin i thotë Macronit se kërcënimi ndaj sigurisë globale të ushqimit është për shkak të sanksioneve perëndimore para së gjithash.
Putin dhe homologu i tij francez diskutuan gjithashtu sigurinë globale të ushqimit. Shërbimi i shtypit i Kremlinit tha se “pala franceze shprehu shqetësimin për problemin e ruajtjes së sigurisë globale të ushqimit”.
“Në këtë kontekst Putin theksoi se situata në këtë fushë u përkeqësua në radhë të parë nga sanksionet e vendeve perëndimore dhe nënvizoi rëndësinë e funksionimit të papenguar të infrastrukturës globale logjistike dhe transportit”,-tha Kremlini./Opinion.al
