Presidenti rus, Vladimir Putin i është përgjigjur nga Turkmenistani, ku ndodhej në një vizitë zyrtare, batutave të bëra në samitin e G7 ndaj tij. Putin tha me ironi se udhëheqësit perëndimorë lakuriq do të ishin “të neveritshëm”.
Gjatë bisedimeve në Madrid, kryeministri britanik Boris Johnson bëri ironi se udhëheqësit e G7 mund të zhvishen për të “dëshmuar se janë më të ashpër se Putini”. Madje edhe kryeministri kanadez Justin Trudeau kishte bërë batutë për këtë temë.
“Unë nuk e di se si ata donin të zhvisheshin, qoftë sipër apo poshtë belit, por mendoj se do të ishte një pamje e neveritshme gjithsesi” tha Putin, duke vënë në dukje se, ndryshe nga ai, liderët perëndimorë pinë shumë alkool dhe nuk merren me sport.
Për t’u dukur mirë, “duhet të ndaloni abuzimin me alkoolin dhe zakonet e tjera të këqija, të ushtroheni dhe të luani sport”, shtoi presidenti rus.
