Presidenti rus Vladimir Putin ka lënë të kuptohet se është i hapur për shkëmbi të tjera të burgosurish me SHBA-në.
Deklaratën, lideri rus e bëri disa orë pasi vendi i tij dorëzoi yllin e WNBA-së, Brittney Griner, në këmbim të trafikantit të dënuar të armëve, Viktor Bout.
“Ne nuk po refuzojmë të vazhdojmë këtë punë në të ardhmen,” tha Putin.
Presidenti rus shtoi gjithashtu se gjithçka është në tryezë ndërsa vuri në dukje “kompromiset” e gjetura në të kaluarën.
“Ky është rezultat i negociatave dhe i kërkimit për kompromise. Në këtë rast, u gjetën kompromise dhe ne nuk po refuzojmë ta vazhdojmë këtë punë në të ardhmen”, u tha Putin gazetarëve gjatë një konference për shtyp në Kirgistan të premten.
Vërejtjet e Putinit, që mesa duket hapin derën për më shumë “negociata”, vijnë pasi Shtëpia e Bardhë u kritikua për kushtet e shkëmbimit të të burgosurve, gjë që solli në shtëpi Grinerin. Kjo e fundit kaloi muaj në burgjet e Rusisë.
Administrata Biden po përpiqet që të kthejë në shtëpi edhe ish-veteranin e marinës amerikane Paul Whelan.
