Presidenti rus Vladimir Putin dhe presidenti turk Rexhep Tajip Erdogan kanë nisur bisedimet në qytetin rus të Soçit në bregun e Detit të Zi.
Mediat shkruajnë se dy liderët shtrëngonin duart përpara se të fillonin bisedimet. Duke përshëndetur udhëheqësin turk të hënën, Putin tha: “Nëse dëshironi, ejani me pushime këtu, është shumë mirë”.
“Ky është takimi ynë i parë personal që nga zgjedhjet në Turqi. Dëshiroj t’ju përgëzoj edhe një herë për rezultatet [zgjedhore],” i tha Putin-Erdoganit.
Bisedimet pritet të mbulojnë mundësinë e rikthimit të marrëveshjes së grurit, nga e cila Rusia u tërhoq në korrik.
Gjithashtu, sipas palës ruse, do të bisedohet për një propozim nga Moska për të furnizuar Turqinë me 1 milion ton drithë ruse, e cila më pas do të shpërndahet në vendet më në nevojë, me ndihmën financiare të Katarit.
Pas bisedimeve dypalëshe në Moskë me homologun e tij turk javën e kaluar, ministri i Jashtëm Sergej Lavrov përsëriti se Rusia do të ishte e gatshme të ribashkohej me marrëveshjen e grurit të Detit të Zi sapo të shohë garanci se përfitimet e premtuara për Rusinë do të zbatohen./Opinion.al
