Sekretari i Këshillit të Sigurisë Kombëtare dhe Mbrojtjes së Ukrainës, Oleksiy Danilov ka thënë se presidenti rus Vladimir Putin është i vendosur të shkatërrojë Ukrainën. Megjithatë, ai shtoi më tej se nuk ka rrezik për një pushtim të afërt.
Presidenti rus Vladimir Putin është i vendosur të shkatërrojë Ukrainën, por nuk ka rrezik të madh për një pushtim të afërt, tha të premten një zyrtar i lartë ukrainas.
“Putini dëshiron të shkatërrojë vendin tonë. A do të ketë sukses? Jo, nuk do ketë”,-ka thënë Danilov.
“Qytetarët tanë do të mbrojnë vendin,” ka thënë ai, duke shtuar se ushtria dhe civilët do të formojnë një lëvizje të gjerë kombëtare “rezistence” nëse Rusia sulmon.
Tensionet janë ngritur që nga mesi i nëntorit kur Uashingtoni dha alarmin për një grumbullim masiv të trupave ruse në kufirin e Ukrainës dhe akuzoi Putinin për komplotimin e një pushtimi.
Ai vjen vetëm disa ditë pasi trupat ruse organizuan stërvitje luftarake dhe stërvitje me gjuajtje të vërtetë pranë kufirit ukrainas.
59-vjeçari Danilov, minimizoi rrezikun e një përshkallëzimi të madh ushtarak, duke thënë se zyrtarët ukrainas nuk kanë parë ndonjë “ndërtim kritik”.
Sipas vlerësimeve të Kievit, numri i trupave ruse përgjatë kufijve të Ukrainës është rritur nga rreth 93,000 trupa në tetor në 104,000.
“Ne nuk mendojmë se kjo është një rritje e madhe,”-tha Danilov.
Ndihmësi për sigurinë i Presidentit Volodymyr Zelensky theksoi se autoritetet nuk donin t’i ‘frikësonin njerëzit’ me bisedat e luftës pasi kjo ‘do të destabilizonte situatën brenda vendit’.
Udhëheqësi rus për vite me radhë ka vënë në pikëpyetje legjitimitetin e kufijve të Ukrainës dhe këmbëngul se rusët dhe ukrainasit janë “një popull”.
Danilov akuzoi Kremlinin se kërkon të destabilizojë Ukrainën nga brenda duke iu drejtuar sulmeve kibernetike dhe duke thelluar një krizë energjetike.
“Këmbëngul se kjo është detyra kryesore për Putinin”,-tha ai.
Nëse gjithçka tjetër dështon, Kremlini mund të lëvizë trupat përtej kufirit, shtoi Danilov./Opinion.al
