Bota

Putin dërgon mjekë dhe mbi 600 ventilatorë, shpërthejnë polemikat në Itali


               Publikuar në : 11:02 - 26/03/20 |
el ida

Një ekip mjekësh me më shumë se 120 persona, mbi 600 ventilatorë dhe materiale të tjera mjekësore, mbërritën në Itali nga Rusia.

Ndihmat e Moskës mbërritën në Bergamo, zonë e goditur rëndë nga pandemia e koronavirusit, me mbishkrimin “Nga Rusia, me dashuri’.

Megjithatë, “Tgcom24” shkruan se solidariteti rus ka nxitur edhe një sërë polemikash, pasi në ekipin e mjekëve nuk ishin vetëm infeksionistë, por edhe disa mjekë ushtarakë, me përvojë në luftën bakteriologjike.

“Aspak ndihmë, por një nënshtrim politik të Italisë nga Rusia, kështu e ka komentuar këtë akt Simona Viola nga “Più Europa”. “Më shumë se sa ndihma, mund të jetë një ‘kalë Troje’”, janë shprehur radikalët italianë. “Prapa një bujarie të tillë të dukshme, mund të ketë projekte të tjera”, kanë thënë ata.

Ndërkohë, ambasadori i Rusisë në Itali, Sergey Razov, është shprehur:

“Ndihma jonë për Italianë vjen në një situatë të vështirë. Qëllimi i ekipit rus është të punojë bashkë me kolegët italianë. Ata do të qëndrojnë në Itali deri në një vendim të përbashkët të të dy palëve”./Opinion.al

Pas