Gjykata e Gjirokastrës ka lënë të lirë mësuesin 60 vjeçar, Neshat Tepelena, i akuzuar për ngacmim seksual të nxënëses së mitur.
Në seancen e rivleresimit te mases se sigurise, Prokuroria kërkoi burg pa afat deri në daljen e analizëve, por trupa gjykuese vendosi vetëm detyrim paraqitje për mësuesin.
Neshat Tepelena u denoncua publikisht nga një 11 vjeçare, ish-nxënëse e tij në shkollën 9 vjeçare të fshatit Kalasë të Delvinës, por dyshohet edhe për raste të tjera.
Një muaj më parë, vajza e mitur tha se mësuesi i bëri presion për notat dhe e puthi në buzë në klasë.
Pas dëshmisë, mësuesi u vu në pranga nga policia e Delvinës me dyshimin për ngacmim seksual.
Sipas banorëve të fshatit Kalasë, mësuesi ka qenë i përfshirë në ngjarje të tilla edhe më herët, në një rast madje çështja shkoi deri në Drejtorinë e Arsimit, por kaloi vetëm me vërejtje.
