Ish-futbollisti David Beckham publikon shpesh në rrjete sociale foto apo video ku tregon afeksionin që ka ndaj fëmijëve të tij, e sidomos për të voglën Harper. Gjatë pushimeve të tyre në Miami është parë e njëjta skenë, e cila është komentuar gjatë edhe më parë, ku David puth në buzë të bijën.
Shumë nga komentet kanë qenë negative, një prej të cilëve nga moderatori i njohur, Piers Morgan, që ka reaguar në emisionin e tij të mëngjesit:
“Është shumë e ëmbël… Por pse duhet që një baba ta puthë të bijën në buzë? Nuk e kuptoj – e frikshme. Pastaj e poston këtë për botën – Pse duhet ta postosh? E çuditshme, e çuditshme, thjesht e çuditshme,”-përfundon ai.
Një tjetër moderatore Susanna Reid, e cilësoi këtë veprim të Beckham si shenjë afeksioni, por jo të përshtatshme për t’u publikuar online.
Por ish-futbollisti është shprehur disa herë më parë për raste të tilla, duke thënë se nuk ka ndërmend të kërkojë falje për mënyrën sesi shpreh afeksionin tek fëmijët e tij/Opinion.al/
