Në ato pak zona bregdetare ku ka vrojtues plazhi, pushuesit nuk respektojnë sinjalizimet. Këtë të dielë në Divjakë, ndonëse është ngritur flamuri i kuq që tregon se noti është i ndaluar për shkak të dallgëve, në det gjen plot fëmijë.
Për të shmangur incidentet, vrojtuesit kërkojnë bashkëpunimin e pushuesve dhe në mënyrë të veçantë të prindërve.
“Dhe familja vetë duhet të ketë kujdes, të na ndihmojnë me fëmijët e tyre duke ju folur për bregdetin për rojen e plazhit.”
Por nga ana tjetër, pushuesit thonë se në këtë zonë gjithmonë flamuri qëndron i kuq.
“Ditë për ditë kur vijmë në plazh flamuri i kuq ka qenë, nuk e ndërrojnë.”
“Mendoj se flamuri i kuq sot nuk është i përshtatshëm për tu ngritur, dje po,po sot jo”
“Po të kuq kanë qenë gjithmonë këtu.”
Në Divjakë në shumicën e stacioneve të plazhit ka vrojtues./ Tv Klan
