Pamjet e fotografitë nga plazhi janë më të zakonshmet e sezonit të verës. Shpesh, vetëm prej fotografive që mbushin rrjetet sociale, të duket sikur ke qenë në shumë prej vendeve të zgjedhura të sezonit. Moderatori Ardit Gjebrea, së paku për një pushim të shkurtër, ka zgjedhur të bëjë dicka tjetër.
Bashkë me të bijën, Annën, kanë shkuar në fshat në mënyrë që e vogla të shoh vetë se si na ushqen toka, si rriten zarzavatet gjithcka tjetër që dikur na vinte nga fshati (sepse sot nuk ndodh më). Dikur, thuajse të gjithë fëmijët kishin mundësi të shkonin te një i afërm në fshat…Sot, me gjithë tjetërsimin e jetës, një vizitë në rrënjët e jetës është kthyer thuajse në luks. Gjebra me Annën kanë shkuar në sera…”Në sera tek xhaxhi Miri dhe teta Luli që të mësohemi se si rriten dhe vilen perimet, frutat dhe zarzavatet”- shkruan Arditi. Të dy, babë e bijë, duken kaq të përfshirë ne proceset e natyrës…
