Një punëtor në Kukës ka humbur jetën, pasi ka rënë nga lartësia. Ai ka qenë duke punuar në Urën e Perbregut, rreth gjashtë kilometra nga qyteti i Kukësit. Viktima është Alfred Frroku, 32-vjeç. Ai ishte nga Lezha, por punonte për dublimin e urave në Kukës.
“Më datë 20.03.2019, në aksin rrugor Kukës-Morinë, shtetasi A.F., 32 vjeç, banues në Lezhë, punëtor i firmës kontraktuese për rregullimin e Urës në vendin e quajtur ish Uzina e bakrit, duke punuar ka rënë nga ura, ku për pasojë ka gjetur vdekjen e menjëhershme”, ka njoftuar policia, e cila ndodhet në vendngjarje dhe po kryen hetimet e rastit./Opinion.al
