Një 48-vjeçar shqiptar është gjetur i vdekur në shkallët e një pallati në Genoa, në Itali. Policia italiane dyshon se shqiptari mund të jetë shtyrë nga kolegët, pra nuk është vetëhedhur. 48-vjeçari ka rënë nga kati 7 i pallatit dhe ka ndërruar jetë menjëherë.
“Brenda pallatit po bëheshin punime dhe ne besojmë se pas një sherri mes punonjësve mund të ketë ndodhur që të jetë shtyrë viktima”, thotë kreu i policisë, Annino Gargano.
Për zbardhjen e ngjarjes së ndodhur dje rreth orës 15:00, policia do të marrë në pyetje të zotin e apartamentit ku po kryheshin punime dhe punëtorët e skuadrës së ndërtimit.
