Dikush ka arritur të thyej edhe sigurinë e adresës së emailit të kryeministrit Edi Rama dhe ka shpërndarë në rrjetet sociale emailet që ai ka marrë nga njerëz të ndryshëm.
“Abc News” ka publikuar një email që gjendet në faqen “Homeland Justice” e quajtur ndryshe “Drejtësia e Atdheut”, ku shihet se në adresën e kreut të qeverisë nuk mungojnë as denoncimet e bëra nga vet punonjësit e administratës të cilët ankohen dhe për drejtuesit e tyre.
Një nga denoncimet është ajo e një punonjëse të FSDKSH-së, e cila thekson se ky institucion po drejtohet nga njerëz të Parisë Demokratike dhe familjarë të zyrtarëve të lartë të saj siç janë ata të Sekretarit të Përgjithshëm të PD, Flamur Noka.
Sipas denoncuese të identifikuar si “Vora Vjosa”, i gjithë institucioni është i kapur nga familjarët e zyrtarëve të PD, të cilët përveçse nuk bëjnë asnjë punë, ushtrojnë presion mbi administratën.
