Një kufomë mashkulli rreth 50 vjeç është gjetur sot buzë lumit Shkumbin. Ishin punëtorët e Landfillit, në fshatin Katund i Ri në Elbasan të cilët kanë gjetur kufomën dhe më pas kanë njoftuar policinë. Policia ka nisur veprimet e para për identifikimin e kufomës, ndërsa mësohet se në trupin e pajetë nuk janë konstatuar shenja dhune. Dyshohet se personi në fjalë mund të jetë mbytur në ujë.
Njoftimi i policisë:
Më datë 29.03.2018 rreth orës 10:45, në fshatin Katundi i Ri Elbasan, në buzë të Lumit Shkumbin nga punonjësit e Landfillit është gjetur një kufomë e gjinisë mashkullore rreth 50 vjeç.
Shërbimet e policisë, ndodhen në vendngjarje dhe po punojnë për identifikimin e viktimës. Nga veprimet e para nuk janë konstatuar shenja dhune dhe mendohet të jetë mbytur në ujë.
Policia po punon për sqarimin dhe dokumentimin e plotë të ngjarjes.
