Një shqiptar që punonte në tragetin Durrës-Barri, u arrestua mëngjesin e sotëm nga policia italiane, pasi kishte fshehur në trup gjysmë kg marijuanë.
Mediat italiane raportojnë se shqiptari është i moshës 25 vjeç.
Ai u kap ndërsa po përpiqej të kalonte mallin pa u kontrolluar në doganën e portit.
Evidentimi i tij u bë në momentin kur policia financiare po kryente procedurat e zakonshme të kontrollit.
I riu shfaqi shenja nervozizmi çka ngriti dyshimet te autoritetet doganore
25 vjeçari, gjeneralitetet e të c cilit nuk bëhen të ditura, e kishte lidhur drogën me fasho elastike në trup.
Po kështu, për tu maskuar mbante veshur një xhup
Ai do të kthehej sërish në mbrëmje me traget, çka lindi dyshimet te policia se i riu do ta dorëzonte mallin në tregun e brendshëm.
