Ndërsa lojtarët e De La Fuente ishin pranë tifozëve të tyre për të festuar kualifikimin në finalen e së dielës, një tifoz pushtoi fushën drejt lojtarëve spanjollë dhe u ndoq menjëherë nga personeli i sigurisë.
Njëri prej këtyre të fundit, megjithatë, rrëshqiti në fushë dhe rrëzoi Alvaro Moratën, i cili u ngrit me sa duket me dhimbje të mëdha dhe u kthye te shokët duke çaluar.
Sot, teksa Spanja u largua nga hoteli në Mynih, Morata u shfaq i buzëqeshur donte t’i qetësonte të gjithë për gjendjen e tij: “Jam mirë, fizikisht gjithçka është në rregull”, u tha ai gazetarëve të pranishëm. Më pas edhe sulmuesi spanjoll donte të bënte shaka për atë që ndodhi: “Ishte një karton i verdhë”.
