Një punonjës i Gardës së Republikës është paraqitur i plagosur me armë zjarri në spital. Policia e Tiranës bën me dije se i plagosuri është identifikuar me inicialet F. S., 28 vjeç.
Sipas informacioneve që ka publikuar Policia, dyshohet se punonjës i Gardës është vetëplagosur me armën e shërbimit.
Paraprakisht dyshohet si i riu ka qenë duke pastruar armën dhe gabimisht i është shkrepur. Plumbi i shkrepur e ka kapur në dorë dhe në këmbë. Në lidhje me rastin është njoftuar AMP, dhe në bashkëpunim me grupin hetimor po punohet për sqarimin e rrethanave të ngjarjes.
