Një serë e përshtatur për kultivimin e kanabisit është gjetur në fshatin Kutalli të Beratit.
Sipas Klan News, Policia gjatë kontrollit ka gjetur 80 punëtore gra brenda serës duke punuar, të cilat janë ndaluar. Gratë po kryenin përpunimin e drogës brenda serës gati për shitje. Numri i madh i të ndaluarave ka bërë që policia t’i shoqërojë me autobus drejt Policisë së Beratit. Bashkë me to është ndaluar nga Policia pronari i serës, 40-vjeçari Hamit Dyli.
Kanabisi është mbjellë në sipërfaqen prej 2 hektarësh. Operacioni është zhvilluar nga Drejtoria e Përgjithshme e Policisë pas sinjalizimit të serës me kanabis.
Dyshohet se droga është sjellë nga një tjetër vend, ndërsa brenda serës bëhej paketimi dhe sistemimi i drogës. Ende nuk dihet sa është sasia e drogës së gjetur në serë.
