Kryeministri Edi Rama e ka nisur mëngjesin e sotëm duke publikuar pamje nga punimet që po kryhen në maternitetin “Mbretëresha Geraldinë” në kryeqytet.
Kreu i qeverisë bën me dije se punimet për përmbylljen e fazës së parë të ndërtimit në Maternitetin “Mbretëresha Geraldinë” do t‘i hapin rrugë investimit në godinën qendrore, e cila sipas Ramës do të ruajë arkitekturën historike.
“MIRËMËNGJES dhe me punimet për përmbylljen e fazës së parë të ndërtimit të ri në Maternitetin “Mbretëresha Geraldinë”, që do t‘i hapë rrugë investimit në godinën qendrore, e cila do të rilindë duke ruajtur arkitekturën historike, për të garantuar standardin më të mirë të shërbimit për nënat dhe fëmijët, ju uroj një ditë të mbarë”-shkruan Rama.
