TIRANË- Prej afro një muaji rruga “Dritan Hoxha” ose siç njihet në gjuhën popullore rruga e Laprakës është në rikonstruksion. Dy korsitë e dikuara për ambulancat dhe urbanët tashmë janë ‘fshirë’ dhe në vend të tyre po ndërtohen korsitë e biçikletave. Televizioni Klan ka pyetur në Bashkinë e Tiranës se kush është investitori dhe kush po i kryen punimet? Por Bashkia refuzon të bëjë transparencën e projektit për ndërtimimin e korsive të biçikletave në dy anët e rruges së Laprakë.
10 firma vazhdojnë të punojnë prej afro një muaji për ndërtimin e dy korsive të reja. Punimet arrijnë në disa miliona, por bashkia refuzon të tregojë se sa eshte kostoja e këtij projekti, ndonëse ajo thote se investimi është bërë me donacione të kompanive.
Po ashtu ajo refuzon të tregojë edhe cilat janë kompanite apo ç’kontrata ka nënshkruar me ta dhe nëse ka leje ndërtimi për projektin, siç e kërkon ligji.
Televizioni Klan i ka kerkuar bashkise se Tiranes t’i vërë në dispozicon dosjen e këtij projekti, nëse ekziston nje e tille. Heshtja e kryetarit te Bashkise Erjon Veliaj vetëm sa i shton dyshimet për këtë financim disa milionësh.
