Dita e punës dhe mënyra se si ne punojmë janë të lidhura ngushtësisht me produktivitetin. Oraret e zgjatura në punë nuk lidhen me patjetër me rritjen e fokusit, përqëndrimin dhe suksesin.
Orari normal ditor prej 8 orësh nuk është i bazuar në orarin optimal të orëve që një person mund të jetë i përqëndruar. Në fakt, nuk lidhet fare me llojet e punëve që njerëzit bëjnë sot. Origjina e 8 orarshit lidhet me Revolucionin Industrial dhe jo me kohën e informacionit, në të cilën gjendemi sot.
Në fund të shekullit të 18, 10-16 orë pune ishin normale sepse fabrikat kishin nevojë të funksiononin 24/7. Kur u kuptua se ditë aq të gjata pune ishin brutale dhe të paqëndrueshme, shumë persona ngritën zërin për ditë pune më të shkurtra. Në 1817 u përhap një slogan i cili thoshte “Tetë orë punë, tetër orë rekreacion, tetë orë pushim.”
Megjithatë, 8-orarëshi nuk u bë një standard deri në vitin 1914 kur kompania Ford Motor i çuditi të gjithë duke ulur numrin e orëve të punës ditore duke i çuar ato në tetë dhe duke dyfishuar pagat e punonjësve. Rezultati? Produktivitet i rritur.
Në këtë mënyrë, edhe pse e vështirë për t’u besuar, 8-orarëshi u zyrtarizuar si një formë për ta bërë ditën e punës më humane.
Por kohët kanë ndryshuar dhe studiuesit sugjerojnë se në një ditë pune prej tetë orësh, një punonjës mesatar është produktiv për vetëm 2 orë e 53 minuta.
Po po! Me shumë mundësi ne jemi produktivë për vetëm 3 orë në ditë.
Më poshtë është lista me gjëra jo produktive që mbushet dita e punës:
- Leximi i faqeve të lajmeve – 1 orë e 5 minuta
- Koha në median sociale – 44 minuta
- Diskutimi i gjërave me punonjësit e tjerë që nuk kanë lidhje me punën – 30 minuta
- Kërkimi për punë të tjera – 26 minuta
- Pushimet e pirjes së cigares – 23 minuta
- Telefonata që nuk kanë lidhje me punën – 18 minuta
- Pirja e kafes ose çajit – 17 minuta
- Mesazhe në telefon – 14 minuta
- Ngrënia në orarin e punës – 8 minuta
- Përgatitja e ushqimit në zyrë – 7 minuta
Ky është një lajm i mirë për freelancer-at dhe të tjerët që punojnë nga shtëpia. Është e thjeshtë të mendosh se nuk po bën mjaftueshëm kur nuk shkon në zyrë. Ky studim tregon se edhe pse je produktiv për vetëm 3 orë, sërish je duke u përkushtuar sa ai që punon nga zyra.
Imagjinoni nëse dita e punës do të shkurtohej në 3 orë. Por edhe sikur të shkurtohej në 6 orë. Rezultati? Punonjësit do të ishin më të çlodhur, më shumë të fokusuar dhe më shumë produktiv.
Pyetja qëndron, cila kompani do të marrë rolin që kompania Ford mori 100 vite më parë, në ditët e sotme?
