Një 66-vjeçar ka ndërruar jetë në Pukë ditën e sotme në Pukë, pasi ka rënë nga lartësia teksa po punonte.
Policia njofton se 66-vjeçari me inicialet P.N., po riparonte çatinë e një shtëpie të vjetër në fshatin Gomsiqe, Pukë, ku dhe u rrëzua dhe si pasojë humbi jetën.
Kanë nisur hetimet për pronarin e banesës, 64-vjeçarin me inicialet Gj.D., “për veprën penale “Shkelja e rregullave të mbrojtjes në punë”.
“Specialistët për Hetimin e Krimit të Komisariatit të Policisë Pukë, proceduan penalisht për veprën penale “Shkelja e rregullave të mbrojtjes në punë shtetasin Gj.D., 64 vjeç, banues në lagjen “Skenderbeg”, Lezhë.
Procedimi ndaj tij filloi pasi në vendin e quajtur Qafë Qelë, fshati Gomsiqe, Pukë, në banesën e vjetër të shtetasit GJ.D, është aksidentuar duke rënë nga lartësia dhe për pasojë ka gjetur vdekjen shtetasi P.N., 66 vjeç banues në lagjen “Kalaja”, Lezhë, i cili ishte duke kryer disa punime në çatinë e banesës së këtij shtetasi”, njofton policia./Opinion.al
