Kryetari i Partisë Demokratike, Lulzim Basha ka vazhduar me akuzat ndaj kryebashkiakut të Durrësit Vangjush Dako.
Basha ka publikuar një video në facebook ku thuhet: “Dosja 339 sapo ka nisur të zbulohet. Vangjush Dako e ka vendin në burg”,
Në video, shkruhet se, “Dako e ka lënë Durrësin në dorën e krimit të organizuar si shpërblim për blerjen e votave për pushtetin e Edi Ramës”.
Në pamje shfaqet edhe deklarata e Dakos bërë në emision Opinion më herët gjatë kësaj jave: “çdo person nuk ka marrë nga Vangjush Dako asgjë kundra ligjit”.
Për Bashën, kjo deklaratë është e gënjeshtërt: “Restoranti Pista në Durrës, në pronësi të bandës së Avdylajve, është ndërtuar me lejen e Vangjush Dakos”, thuhet në tej në video.
