Nga Rusia me dashuri?
Rusia po mendon që t’ua dorëzoje Shteteve të Bashkuara të Amerikës ish-kontraktorin amerikan, Edward Snowden, i kërkuar nga SHBA për akuza spiunazhi, si ‘dhuratë’ për Presidentin Donald Trump.
Snoëden la punën e tij në NSA më 2013, pasi u dha gazetarëve informata të fshehta dhe kërkoi azil në Moskë.
Zyrtarë të paidentifikuar i kanë thënë NBC News se qeveritarët rusë po mendojnë që ta shfrytëzojnë atë për marrëdhënie të reja me administratën e re në SHBA.
“Snowden është spiun i cili duhet të ekzekutohet”, kishte shkruar Presidenti në Twitter më 2013 ndërsa drejtori i CIA’s, Mike Pompeo kishte thënë se Snoëden duhet të dënohet me vdekje.
Shtëpia e Bardhë nuk ka komentuar raportin e NBC, por Departamenti i drejtësisë tha se rikthimi i Snoëden do të mirëpritej.
Administrata e Barack Obamas kishte vënë shumë sanksione ndaj Rusisë mirëpo Trump ka theksuar se nëse Rusia do të ndihmonte do të konsiderohej heqja e sanksioneve.
