Tirane- Report Tv publikon sot të plotë videon ekskluzive të ekzekutimit të ish-policit Boran Bërçana dhe bashkëjetueses së tij Silvana Ndoci më 15 Korrik dhe e publikon atë të plotë.
7 sekonda i janë dashur vrasësit për të ekzekutuar Boran Berçanën dhe bashkëjetuesen e tij Silvana Ndoci, në prezencë të fëmijës së tyre brenda në makinë. Videoja u sigurua nga gazetari i njohur investigativ Artan Hoxha, i cili sqaroi sot live se si mundi ta siguronte videon por edhe gjithë detajet e reja që di për ngjarjen e rëndë.
Në video duket qartë që autori është një dhe i vetëm. Ai afrohet qetësisht, armën e mban të ulur në fillim dhe qëllon me dorën e majtë në anën e Bërçanës. Ish-polici ka tentuar të lëvizë makinën por goditja ka qenë e menjëhershme.
Hoxha i japë sot përgjigje edhe pyetjeve: Kush e donte Boran Bërçanën të vrarë? Çfarë flitet nën zë në Shkodër për këtë vrasje makabre? Përse policia e qytetit verior është ende larg identifikimit të autorit? Me këtë ekzekutim mafioz a është hapur kutia e Pandorës për një serial vrasjesh në Shkodër?/Reportv
