Policia e Rinasit arriti të kapë, sot, gjatë një kontrolli rutinë në aeroport një pajisje që dedekton përgjimet, në valixhen e një shtetasi izraelit. Mësohet se ai është Yoram Frig, rreth 50-vjeç, anëtar i disa organizatave të dedektivëve dhe gazetarëve investigativ.
Në lidhje me ngjarjen, me anë të një shënimi në Facebook, ka reaguar edhe deputeti demokrat Flamur Noka. Ai ka publikuar një foto, sipas të cilës, është pajisja e kapur ditën e sotme nga policia në aeroportin e Rinasit.
Noka shkruan se siguria kombëtare në këtë vend është një term inekzistent dhe skandali që provokoi futja e IMSI CATCHER sot, ka marrë përmasa të frikshme.
Shënimi i plotë:
Skandal.Sot siguria kombetare ne kete vend eshte term inekzistent.Skandali që provokoi futja e IMSI CATCHER sot mori permasa te frikshme . Kapet ne Rinas nje shtetas i huaj ne tentative per te nxjerr jashte vendit nje pajisje pergjimi IMSI CATCHER .
Policia e mban te fshehur qe nga dita e djeshme pasdite dhe pajisjen e kan derguar ne kundershtim te cdo procedure ne zyren e Cipes .
Nuk dihet se sa kohe ka operuar kjo pajisje por nje gje eshte e sigurt qe ka hyj e ka dal disa her dhe qe sapo iku Saje Qorri u nguten ta largojne nga Shqiperia.
Gjithashtu i bej thirrje prokurorise te nderhyje urgjentisht ne sekuestrimin e pajisjes sa nuk eshte vone e te zbardh perdorimin e saj dhe krimin e dyshuar te pergjimeve te bera.
Kjo eshte pajisja
