Astrofizika ka shënuar një arritje të rëndësishme pasi një ekip shkencor ndërkombëtar kanë publikuar foton e parë të një vrime të zezë. Projekti “Event Horizon Telescope” nisi në vitin 2012 dhe synonte vëzhgimin e drejtpërdrejtë të një vrimë të zezë, duke përdorur një rrjet botëror teleskopësh si dhe bashkëpunimin ndërkombëtar të 200 hulumtuesve. Ata vunë në shënjestër dy vrima të zeza, super masive, të cilat ishin në qendër të galaktikave të ndryshme.
Fotografia është e një rëndësie të veçantë pasi për herë të parë njerëzit do të mund të shikojnë këtë fenomen gjigant qiellor, i cili krijon një fushë gravitacionale aq intensive, saqë prej saj nuk mund të shpëtojë lënda apo drita.
Për publikimin e kësaj fotografie u mbajtën konferenca shtypi në Uashington, Bruksel, Santiago, Shangai, Taipei dhe Tokio.
Hulumtimi vuri në provë një zbulim që konsiderohet si një prej shtyllave të shkencës, teorinë e Albert Ajnshtajnit mbi relativitetin e përgjithshëm. Teoria, e paraqitur në vitin 1915, kishte për qëllim të shpjegonte ligjet e rëndesës dhe lidhjen e tyre me forcat e tjera natyrore./Opinion.al
