Shqipëria do të luaj mbrëmjen e sotme në stadiumin “Elbasan Arena” kundër Islandës.
Mësohet se lojtarët që do të luajnë në ndeshjen e sotme në Elbasan Arena janë: Strakosha, Ismajli, Dermaku, Cikalleshi, Gjasula, Manaj, Memushaj, Bare, Gjimshiti, Hysaj, Lenjani.
Në stol është ulur Mavraj, Roshi, Abrashi, Ramadani, Uzuni dhe Balaj. Mavraj i lë vendin Dermakut në qendër të mbrojtjes. Skema e lojës është sigurisht e njëjta, 3-5-2, por me Lenjanin dhe Hysajn nga krahët, bëhet fjalë për një ekip që do të ketë jo vetëm detyra mbrojtëse, por edhe qartësi dhe agresivitetin e duhur për të sulmuar vazhdimisht.
Kujtojmë se pak ditë më parë Shqipëria u mund thellë nga Franca me rezultatin 4-1. Goli i vetëm për kombëtaren tonë u shënua nga Cikalleshi, i cili nuk gaboi nga pika e bardhë e penalltisë.
Humbja në Francë ka “minuar” ecurinë e kombëtares shqiptare në kualifikueset europianit, ndërsa një fitore e sotme do të ringjallet dhe njëherë shpresat për kualifikimin e Shqipërisë./ Opinion.al E.Xh.
