Për të gjithë personat që kanë aplikuar për lotarinë Amerikane dhe janë në pritje të rezultateve, Ambasada Amerikane përmes një njoftimi ka bërë të ditur datën se kur do të publikohet lista e fituesve.
Në njoftimin e ambasadës thuhet se prej datës 7 maj çdo person që ka aplikuar për lotarinë amerikane mund të kontrollojë nëse është përzgjedhur ose jo.
Njoftimi nga Ambasada Amerikane
Duke filluar nga 7 maji 2019, për të parë nëse janë përzgjedhur, të regjistruarit e DV-2020 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së.
Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve./Opinion.al/
