Numrat e telefonit të zyrtarëve më të lartë të qeverisë italiane janë tashme online. Këto numra privatë nisur nga presidenti Sergio Mattarella e deri tek kryeministrja Giorgia Meloni janë të aksesueshëm online për një pagesë 50 Euro.
Siç theksojnë mediat italiane, në listën në fjalë janë numrat personal dhe jo ato institucionalë, por ato që përdoren për të komunikuar me miqtë dhe familjarët.
Gjithesej në internet janë mbi 20,000 kontakte.
Megjithatë, rrjedhja e kontakteve në internet nuk përfshin vetëm politikanët, por edhe 3805 punonjës të policisë së shtetit, 6301 karabinierë dhe 6018 oficerë të policisë financiare.
Prokuroria italiane e Krimit Kibernetik konfirmoi se ka nisur hetimet për shpërndarjen e këtyre të dhënave.
Sipas mediave italiane rasti krijon një shqetësim të madh politik dhe institucional, pasi nxjerr në pah se sa i dobët është sistemi shtetëror madje edhe në nivelet më të larta të pushtetit.
Klan News