Kryeministri Edi Rama, ka reaguar përsëri në lidhje me përgjime e publikuara ditën e sotme nga gazeta gjermane “Bilid”.
Në këto përgjime Rama dëgjohet teksa flet më Arben Keshin dhe pyet nëse është arritur objektivi që kishin parashikuar për zgjedhjet.
Ndërkohë, kryeministri përmes një postimi në “Twitter”, shprehet se publikimi është një skandal dhe se përgjimet po përdoren për shantazh politik.
Rama sqaron se Arben Keshi nuk ka qenë në polici në kohën në të cilën është bërë përgjimi.
Postimi i plotë
Ky është i gjithi një skandal i turpshëm,i gatuar nga shërbëtori famëkeq i Saliut në prokurori+një birbo tjetër që doli cullak nga Vetingu, të cilët jo vetëm kanë shkelur ligjin për sekretin hetimor, duke i përdorur përgjimet për shantazhe e lojë politike, po s’kanë hetuar asgje!
Çfarë mjerimi dhe çfarë përpjekje e dëshpëruar për manipulimin e njerëzve dhe nxirjen e Shqipërisë! Çfarë gënjeshtre: AK s’ka punuar në polici asokohe dhe ka qenë denbabaden kandidat komune në Maqellarë. E konfirmoj këtë bisedë dhe do e bëja prapë njësoj!Kush ka veshë le të dëgjojë.
Çfarë mjerimi dhe çfarë përpjekje e dëshpëruar për manipulimin e njerëzve dhe nxirjen e Shqipërisë!Çfarë gënjeshtre:AK s’ka punuar në polici asokohe dhe ka qenë denbabaden kandidat komune në Maqellarë.E konfirmoj këtë bisedë dhe do e bëja prapë njësoj!Kush ka veshë le të dëgjojë pic.twitter.com/AEuY06WGes
— Edi Rama (@ediramaal) June 17, 2019
PËRGJIMI 1 (Biseda e Ramës me Arben Keshin)
Arben Keshi: Hë shefi
Edi Rama: Hë mo si duket
Arben Keshi: Po mirë tek pritshmëritë jemi
Edi Rama: E ke realizuar objektivin thua?
Arben Keshi: Them se po, bazuar në ato që po na thonë komisionerët.
Edi Rama: Ashtu është?
Arben Keshi: Po them që po.
Edi Rama: Po ata maskarenjtë, kishin bërë presione mbrëmë e?
Arben Keshi: Po deshën të më kapnin mua, punë dy minutash sa u futa tek shtabi sepse ishin duke më pritur tek hoteli ku fleja
Edi Rama: Cfarë do të bënim ty ata?
Arben Keshi: Ishin 50 veta. Asgjë besoj, këtë pjesën e presionit mendoj, jo kështu jo ashtu. Ai është legen ai, Flamur Noka
Edi Rama: Po ku ta del dot ty Flamur Noka mo
Arben Keshi: Edhe djali sa doli më la mua, ata kujtuan se isha edhe unë në makinë. Rreth 50 veta. Jo se i bënë ndonjë gjë, sa e goditën. Ai iku dhe ata nuk e kapën dot.
Edi Rama: Më mirë mo, hajt se ç’i do sherret. Dëgjo, po ti mendon se e kemi realizuar objektivin?
Arben Keshi: Po këtu tek unë po. Mund të lëvizë me më pak me më shumë. Nga ato që na kanë thënë komisionerët kemi pritshmëri të mëdha.
Edi Rama: Komisionerët i ke pasur top e?
Arben Keshi: Po po në rregull
Edi Rama: Okay, mirë vllai, hajt ciao
Arben Keshi: Ishalla, faleminderit./ Opinion.al E.Xh.
