Prokuroria për Krime të Rënda ka reaguar pas publikimit të përgjimeve nga gazeta gjermane “Bild”.
Në një reagim zyrtar, Krimet e Rënda shprehen se kanë nisur verifikimet për vërtetësinë e përgjimeve të cilat janë publikuar ditën e sotme nga gazeta gjermane.
Po ashtu, në këtë reagim thuhet se kanë nisur hetimet për të zbuluar personin i cili ka nxjerr të dhënat sekrete të Prokurorisë.
Reagimi
Nisur nga publikimet audio te bëra sot me date 17.06.2019 ne gazetën gjermane Bild, Prokuroria e Krimeve të Rënda njofton se ka filluar veprimet hetimore për verifikimin e elementëve të veprës penale të “Zbulimit të akteve ose të dhënave sekrete” të parashikuar nga neni 295/a i K.Penal.
Po bëhet verifikimi me shpejtësi i të gjitha akteve hetimore dhe të CD-ve të përgjimeve me qëllim verifikimin e autenticitetit të audiove të publikuara.
Prokuroria e Krimeve të Rënda deklaron, se po ndjek me kujdes situatën e paprecedent të krijuar që ka cenuar rëndë imazhin e Prokurorisë Shqiptare dhe që është kryer në shkelje flagrante të ligjit./ Opinion.al E.Xh.
