Prokuroria e Tiranës, ka nisur hetimet pas publikimit të pagave dhe vendeve të punës të mbi 694 mijë qytetarëve shqiptarë.
Mësohet se Prokuroria po kryen veprimet hetimore për veprat penale të “Shpërdorimit të Detyrës” sipas nenit 248 te Kodit Penal dhe “Ndërhyrje në sistemet kompjuterike”, parashikuar nga neni 293/c i Kodit Penal, në lidhje me rastin e bërë publik ditët e fundit për shpërndarjen e të dhënave sensitive të qytetarëve.
Ndërkohë, Prokuroria ka dërguar grupin hetimor në institucionet e: AKSHI-t, ISSH dhe të Drejtorinë e Tatimeve.
Kujtojmë se Opinion.al njoftoi mbrëmjen e së martës së një listë me paga të qytetarëve po qarkullonte në platformën e komunikimit Whats’App. Ndërkohë që në një konferencë për mediat sot Kryeministri Edi Rama tha se nuk kemi të bëjmë me një sulm kibernetik./Opinion.al
