Kreu i SPAK, Altin Dumani është pyetur ditën e sotme në lidhje me publikimin e çështjeve sensitive të cilat po hetohen nga SPAK.
Teksa raporton në Komisionin e Ligjeve, Dumani theksoi se në hetimet sensitive kërkohet ndalimi i publikimit të materialeve.
Ai tha se po përpiqen ta ndalojnë pasi ka patur një reduktim të madh të rrjedhjes së informacionit nga SPAK.
”Në hetimet sensitive në kërkojmë ndalimin e publikimit të kërkesës sonë për masë sigurimi apo edhe gjykata vete vendos ndalimin e publikimit, ngelet në përgjegjësinë e secilit duke nisur nga media për të zbatuar një vendim gjykate. Ndalohet publikimi! Është një moment i vështirë, nga brenda përpiqemi që ta ndalojmë, ka një reduktim të madh të rrjedhjes së informacionit nga SPAK. Është çështje delikate”, tha Dumani.
