Nuk ka asnjë mënyrë të ëmbël për të zbukuruar një ndarje. Sido që të ketë ndodhur, ndarja dhëmb. Nëse kishit menduar se zgjidhja e duhur është gjetja e një partneri të ri sa më shpejtë, apo shumë ëmbëlsira, ekspertët sqarojnë se ndarja na prek më tepër se kaq. Sipas tyre dashuria dhe prezenca e një personi gjatë në jetën tonë, ndikojnë në tru njësoj si efekti që ka heroina apo derivatet e opiumit në trurin e përdoruesve.
Sipas tyre ndarja shpesh na çon në situata të vështira dhe obsesive. Në shumë raste fiksimi për ish partnerin mund të arrijë deri aty sa të mendojmë që pa të nuk mundemi të jetojmë apo dhe dhimbje fizike, njësoj si mungesa e drogës. Kjo është edhe arsyeja pse është kaq e vështirë të jemi me dikë tjetër më pas. Sipas ekspertëve, për të kaluar pa pasoja një ndarje, gjëja e parë që duhet të bëni, është të bindni veten se idealizmat rreth ishit janë jo reale. Nuk duhet të mendoni pafundësisht momentet e bukura me ta, pasi kjo e vështirëson së tepërmi procesin e shërimit.
Nëse ndiheni të tunduar për ta telefonuar kur ju kujtohen momentet e ëmbla, kujtojini vetes gjërat e këqia apo ato çka urrenit te partneri.
