PSG ka pezulluar me dy javë Lionel Messin. Lajmi është publikuar në mediat franceze, të cilat bëjnë me dije se shkak i pezullimit ka qenë largimi nga stërvitja e klubit pa marrë leje.
Mesi fluturoi drejt Arabisë Saudite për të marrë pjesë në disa reklama të turizmit vendas.
Kjo lëvizje jo e menduar mirë nga “Pleshti” është në kundërshtim të plotë me rregullat e klubit, të cilat janë mjaft strikte dhe të përcaktuara qartë.
Mediat e huaja shkruajnë se ky vendim parashikon lamtumirën e sigurt të argjentinasit në fund të sezonit, me skadimin e kontratës.
