Ministri i Brendshëm Fatmir Xhafaj ka thyer në mënyrë të dukshme ligjin duke u përfshirë në procesin hetimor të Saimir Tahirit kur tha se është ndërhyrë në hetimet.
Hetimet janë kompetence e plotë e prokurorisë mbështetur në ligjin si më poshtë:
Kemi parasysh që deklarata e Xhafaj vjen pak para komisionit që do të shqyrtojë mandatin e Tahirit.
Neni 13 i ligjit për SPAK
Pavarësia e prokurorëve të Prokurorisë së Posaçme
- Prokurorët e posaçëm, në ushtrimin e funksioneve të tyre, veprojnë dhe marrin vendime në mënyrë të pavarur, bazuar në parimet e ligjshmërisë, objektivitetit dhe paanshmërisë.
- Ligji garanton pavarësinë dhe autonominë e nevojshme për marrjen e vendimeve gjatë ushtrimit nga prokurorët të funksionit të tyre kushtetues e ligjor, pavarësisht ndikimit të paligjshëm, të brendshëm apo të jashtëm, nga çdo autoritet publik a privat.
Neni 6 i Ligjit për Prokurorinë
Pavarësia e prokurorëve
- Në ushtrimin e funksioneve të tyre, prokurorët kryejnë veprime, parashtrojnë kërkesa dhe marrin vendime në mënyrë të pavarur, bazuar në parimet e ligjshmërisë, objektivitetit dhe paanshmërisë.
- Prokurorët u nënshtrohen udhëzimeve të përgjithshme me shkrim të prokurorit më të lartë, sipas dispozitave të këtij ligji.
- Ligji garanton pavarësinë dhe autonominë e nevojshme për marrjen e vendimeve gjatë ushtrimit nga prokurorët të funksionit të tyre kushtetues e ligjor, pavarësisht ndikimit të paligjshëm të brendshëm apo të jashtëm nga çdo autoritet publik a privat./Opinion.al
