Profesor Dhimitër Kraja në mbledhjen e sotme të Komitetit Teknik të Ekspertëve deklaroi se ka pasur raste vdekjesh mes personave që janë vaksinuar, por që sipas tij këto raste përbëjnë një shifër të ulët në raport me totalin.
Ai theksoi se asnjë vaksinë nuk arrintë realizojë mbrojtje 100 për qind. Më tej mjeku sqaroi se mes faktorëve që ndikojnë në vdekjen e personave të vaksinuar janë sëmundjet patologjike, faktorët gjenetikë dhe imunitarë.
“Asnjë vaksinë nuk arrin të realizojë një mbrojtje 100 për qind. Kemi vënë në dukje se kanë qenë kryesisht raste të vaksinuar me dy vaksina, por me sëmundje patologjike të ndryshme, të cilët vdekja ishte në një pjesë të rasteve edhe nga faktorë ekstra Sars-Cov-2. Por në raste të tjera mund ti takojnë subjekteve që nuk i zuri vaksina si duhet. Vaksina është si ai fidani, që e mbledh me kujdes, në kushte të mira, por jo të gjitha fidanët që mbillen do të lulëzojnë. E treta janë edhe faktorë gjenetikë, faktorë imunitarë, si reagon organizmi. Këto faktor janë ata që kanë cuar në vdekje. Vdekshmëria është 0.0006 për qind e të vaksinuarve, pra një shifër shumë e vogël. Nuk duhet të trembemi se po vdesin edhe raste që janë të vaksinuara“, tha profesor Kraja./Opinion.al
