Kryeministri i Kosovës, Albin Kurti ka folur për mediat pas takimeve të zhvilluara sot me Ramën, Nikollën, Begajn e Metën në Tiranë.
I pyetur nga gazetarët se përse shmangu Partinë Demokratike, ai tha: “Kam takuar krerët e 3 institucioneve shtetërore dhe kam takuar edhe ish-Presidentin Meta, të cilin e kam njoftuar edhe më herët, gjatë procesit të dialogut. Dhe kam konsideruar që është e nevojshme gjithashtu ta njoftoj atë, ndonëse nuk është më President. Pra kam takuar institucionet shtetërore kësaj radhe. Nuk përjashtohet që në vizitën time të radhës do të takoj edhe të tjerët. E di që Tirana dhe e gjithë Shqipëria tani ndodhet nën ethet e fushatës dhe uroj që zgjedhjet vendore të shkojnë sa më mirë dhe ju uroj suksese kandidatëve”.
